Protest for EOBI Pension Increase (Daily Pakistan Editorial Dated April 22, 2016)

Category: News, Pensioners 513 0

Protest for EOBI Pension Increase (Daily Pakistan Editorial Dated April 22, 2016)

بڑھاپے کی پنشن میں اضافے کے لئے احتجاج!

بڑھاپے کی پنشن پانے والوں کی ایسوسی ایشن نے احتجاج شروع کر دیا اور مطالبہ کیا ہے کہ ان کی پنشن سرکاری پنشنروں کے مطابق کی جائے اور اولڈ ایج بینی فٹ انسٹی ٹیوٹ میں60ارب روپے سے زائد خورد برد کی جانے والی رقم واپس لائی جائے۔ لاہور پریس کلب کے باہر مظاہرہ کرنے والوں میں بزرگ شہری، خواتین اور بچے بھی شامل تھے، ان کا کہنا ہے کہ ان حق داروں کو سرکاری پنشنروں کے مطابق بھی پنشن نہیں دی جاتی، حالانکہ یہ رقم قومی خزانے سے نہیں، محنت کشوں کے بہبود فنڈ سے بزرگ شہریوں کے لئے ہے اور یہ رقوم ان کے وہ ادارے دیتے ہیں جہاں وہ ملازمت کرتے رہے۔جب یہ مظاہرہ ہو رہا تھا تو پریس کلب کے سامنے ٹریفک جام ہو گئی تھی تاہم لوگ غصہ کرنے کی بجائے ان مظاہرین سے ہمدردی کر رہے تھے۔ یہ حقیقت بھی ہے کہ ای او بی آئی کی حیثیت ایک ٹرسٹ کی ہے یہاں جو اربوں روپے ہیں وہ ر جسٹرڈ صنعتی اور کاروباری اداروں کی طرف سے ہر ماہ یا ہر سال جمع کرائی جانے والی رقوم کی وجہ سے ہیں، اس رقم کو خورد برد کیا گیا اور اربوں روپے لوٹ لئے گئے اور یہ سب سپریم کورٹ کی ازخود کارروائی کے باعث سامنے آیا۔اب صورت حال یہ ہے کہ ایک طرف تو ملزموں کے خلاف کارروائی جاری ہے اور دوسری طرف وزیر خزانہ اس بہبود فنڈ کے ’’کسٹوڈین‘‘ بن کر بیٹھ گئے ہیں وہ پنشن کو خود اپنے اعلان کے مطابق نہیں کرتے، حالانکہ اضافہ سرکاری خزانے سے نہیں ای او بی آئی فنڈ سے ملنا ہے۔ یہ اضافہ تو از خود ہونا اور حکومت کا اس میں کوئی عمل دخل نہیں ہونا چاہئے۔

 

Protest for Increase in EOBI pension at Press Club Lahore
Protest for Increase in EOBI pension at Press Club Lahore

Related Articles

Leave a Reply